الفنانة هالة صدقى تدافع عن زميلتها رجاء الجداوي و تقول “يعني المفروض نسيبها تموت وما تتعالجش لأنها فنانة؟ “
قالت الفنانة المصرية هالة صدقي عن زميلتها في الفن رجاء الجداوي خلال رحلة علاجها من كورونا،و تهاجم كل من استنكروا علاجها ووضعها في حجرة خاصة بمفردها داخل إحدى المستشفيات في مصر .
حيث تفاعلت هالة صدقي و نشرت عبر موقع ” فيس بوك ” و قالت “يعني المفروض نسيبها تموت وما تتعالجش لأنها فنانة؟، مش فاهمة، وهي كان ليها الأولوية لأنها ست كبيرة، ولأن كورونا خطرها أكبر على الناس الكبار، وإيه رد الفعل لو كانت اتسابت من غير علاج؟، كنتو هتتبسطوا؟، ولو في أي محسوبية مكانتش اتحدفت في الإسماعيلية، كانت راحت أي مستشفي في القاهرة، جنب بيتها”.
و أشارت الفنانة هالة صدقي في حديثها قائلة : “الست دي جالها كورونا وهي بتشتغل، مش زي ما حضراتكم تبرعتوا وقولتوا إنها بتشتري هدوم العيد لحفيدتها، وفضلت تشتغل لآخر لحظه بكل التزام، مش لأنها كسرت القوانين ونزلت تتفسح أو تتمشي”.
ووجهت في ختام كلامها رسالة للأطباء حيث قالت لهم : “السادة الافاضل الدكاترة، طبعا طبعا كتر خيرهم، ومؤكد ليهم أولوية في العلاج، بس مش سرير رجاء الجداوي، اللي عطل إنقاذ أي مواطن، هي مواطنة مصرية وليها كل الحقوق للعلاج، من غير تنمر ومن غير تريقة مش لازم الفنان يكون في ديل القائمة علشان ترتاحوا، وبما إننا في حالة طوارئ فواجب على مستشفيات القطاع الخاص اللي كسبت مننا الملايين تتبرع ولو بدور واحد للحالات المهمى أو مستشفى واحد للاطباء اللي بيضحوا بحياتهم لعلاجهم، لأن فعلا دول اللي ليهم الأولوية”.
